التدريب العسكري فترة تدةم تلت اسابيع كده كلها محاضرات و تدريب اي كلام كده عن العسكرية و الجيش و الكلام ده و لازم ناخذها مجبرة علينا على مدار الاربع سنين كلية ....
دلوقتي انا واقف طابور الصباحي بنسلم على العلم و هكذا زي الجيش بظبط و نروح المحاضرة و المحاضرة كلها غسيل دماغ فعلا .... الراجل الي واقف علينا من الجيش و الصراحة هو كويس جدا ( كان في اسوء مني خمسين مرة ) , المهم المحاضرات كلها حروب الجيل الرابع و الاعلامي القدير احمد موسى و عمرو اديب و لازم نسمع للكل يا جماعة و الكلام ده و مخططات عن تقسيم مصر و طبعا الارهاب و ازاي قعدنا نحارب الارهاب الي في سيا و السيسي و الهبل ده كلو .... و المشاريع طبعا و حرب روسيا و اوكرانيا الي لما واحد عملو نفسو ثاوري عندنا و سألو طب ايه دخل الحرب و احنا بعيدين النطاق عنها ازاي نتأثر بيها بينما الدول المجاورة كلها عادي . هو كلمو بنبرة تعالي او زعيق شوية كأنو هيتخانق قام الراجل شد اعصابو شوية و الواد الغبي كان دايما بيقاطعو فالرجال العقيد عصب و بتاع ... و لغالو كمان التدريب و الراجل كلمنا بعصبية من بعديها بنبرة انا بدافع عن الوطن و الكلام ده كلو .... و مشي و رجع كده بعد 10 دقايق و كلمنا بطريقة عادية و الصراحة الراجل شكلو مش شخص سيئ اوي لانو لو اي حد تاني في مكانو عسكري كان زمان الولد ده قال على نفسو يا رحمان يا رحيم . و الاتنين الصراحة اعبط من بعض الاتنين اهبل من بعض يعني طالما انته عارف انو راجل عسكري و الهبل ده اسكت و ريح نفسك و ابعد عن الشر و غنيلو يمكن الكلام ده مش دايما صح لاكن في وضع زي ده حركة لا داعي منها الصراحة و غبية و الراجل التاني كان ممكن يجاوبو بعقلانية شوية مش اي هبل و خلاص .... و طبعا كلو من كلام سد النهضة مش هيأذيكو و انا بحميكو و بسمع الرصاص و كنت في معركة و الكلام ده كلو والله اعلم الصراحة لو هو كان في معركة على الحدود ولا لا .... و كلامو عن البركة و قد ايه ربنا بيبارك الي بيعمل الخير و فيفي عبدو ربنا باركلها عشان فتحت بيوت و نفس الكلام مع هيفاء وهبي و غيرهم طبعا و ده كان رد على الغلاء الاسعار .....
الغريب ان كل مرة بيقولك لا ده سر عسكري لا ده سر عسكري لا ده سر عسكري حتا السلايدات مينفعش ناخذها عشان السر العسكري زاكر مع نفسك ,
ايه الهبل ده بجد ؟؟!! اومل بتدونا الهبل ده ليه طيب طالما سر عسكري و تجيبونا على وش الاجازة ليه ؟؟!!
عموما انا عجبني جدا مقولة من عبدالله الشريف هو انا مبحبش اسمعلو اصلا بس المقولة دي عجبتني جدا و بمعناها "انتم تعرفو تكلمونا بالسلاح و الدبابة اما بالعلم فا دي مش شغلتكم يا بابا ! " .
[link] [comments]
from Egypt: Om el Donia https://www.reddit.com/r/Egypt/comments/14vtdxw/التدريب_العسكري_في_الجامعة/
No comments:
Post a Comment